Մշուշների շղարշի տակ

Աշնան խաշամն է խշխշում,

Քամու ձեռքերն անհամարձակ

Ամպի փեշերն են քաշքշում:

Ամպը լեզուն կուլ է տվել,

Հնար չունի որոտալու:

Ցերեկն էլ է ցրտից կծկվել,

Չէ՛, երևի ձյուն է գալու:

Առաջադրանքներ

1. Վերնագրի՛ր բանաստեղծությունը:

Աշնան վերջը

2․ Հոմանիշների բառարանի օգնությամբ բացատրի՛ր տրված բառերը։

Մշուշ, շղարշ, խաշամ, հնար։

մշուշ-մառախուղ, մեգ

շղարշ-քող

խաշամ-խաշ՝ ծառերից թափված աշնան տերև

հնար-միջոց, ճար, դարման

2. Բանաստեղծության մեջ ընդգծված բառերը փոխարինի՛ր հոմանիշներով և կարդա՛։ Ի՞նչը փոխվեց։ Դիտարկի՛ր։

Մառախուղների շղարշի տակ

Աշնան խաշամն է խշխշում,

Քամու ձեռքերն անվստահ

Ամպի փեշերն են քաշքշում:

Ամպը լեզուն կուլ է տվել,

ճար չունի որոտալու:

Ցերեկն էլ է ցրտից կծկվել,

Չէ՛, երևի ձյուն է գալու:

Ավելի հասկանալի դարձավ բայց մի քիչ դժվար է կարդալը։

3. Առանձնացրո՛ւ փոխաբերությունները և բացատրի՛ր:

Մշուշների շղարշների տակ- շղարշ բառը օգտագործված է փոխաբերական իմաստով

Քամու ձեռքեր-իրականում քամին ձեռքեր չունի, բայց այս բանաստեղծության հեղինակը իր հերոսին՝ քամուն որոշել է ձեռքեր տալ որ նա քաշքշի ամպի փեշերը։

ամպի փեշերը, ամպի լեզուն նույնպես փոխաբերություններ են

ցերեկը կծկվել է- ցերեկը փոքրացել է, մութը շուտ է ընկնում

4․ Դո՛ւրս գրիր այն բառերը, որոնց մեջ գերակշռում է ձայնը։ Հիմնավորի՛ր ընտրությունդ։

խշխշում, որոտալու

6. Բանաստեղծությունից առանձնացրո՛ւ ամենաաշնանային բառերը և դրանց գործածությամբ, փոքրիկ պատում հորինի՛ր։

Աշուն է։ Ծառերը գույնզգույն են դարձել։ Տերևները թափվել են գետնին։ Դրանց վրայով քայլելիս հետաքրքիր խշխշոց է լսվում։ Ամպերը մոխրագույն են, ցերեկը մթնել է։ Քամին տերևները օդ է բարձրացնում։ Տիգրանը վայելում է աշնան վերջին օրերը։ Նա գիտի, որ շուտով ձմեռ է գալու։

5. Բանաստեղծության մեջ ի՞նչն է գերակշռում․ ձա՞յնը, գո՞ւյնը, թե՞ գործողությունը։ Պատասխանդ հիմնավորի՛ր։

Իմ կարծիքով գերակշռում է գույնը։ Աշնանային տերևները գույնզգույն են՝ դեղին, կարմիր, կանաչ, ամպերը մոխրագույն են, աշնան ցերեկները նույնպես։

Լրացուցիչ գործնական աշխատանք

7.Նկարի՛ր բանաստեղծության հատվածները:

8. Ձայնագրի՛ր ընթերցումդ և նկարաշարի և համադրությամբ տեսանյութ պատրաստիր: