Սարն առել վրան ծիրանի մի քող,
Ննջում է կարծես ծաղկե անկողնում,
Անտառն արևի բեկբեկուն մի շող
Ծոցի մեջ պահել ու բաց չի թողնում:

Ժայռի ստվերը գետափին չոքել,
Վիզը երկարել ու ջուր է խմում,
Հովն ամպի թևից մի փետուր պոկել,
Ինքն էլ չգիտի,թե ուր է տանում:

Քարափի վրա շողում է անվերջ
Ոսկե բոցի պես թևը ծիծառի…
Կանգ առ, հողագունդ, քո պտույտի մեջ
Թող մայրամուտը մի քիչ երկարի:

1. Ընթերցի՛ր բանաստեղծությունը՝ առանձնացնելով և վերլուծելով փոխաբերությունները։

ծիրանի մի քող- խոտերը աշնանը դեղնել են և սարը ծիրանագույն է դարձել

ծաղկե անկողնում- աշնան գույները համեմատում է ծաղկե անկողնու հետ

2.Կարդա՛ ու բացատրիր ընդգծված տողերը: Ինչպե՞ս ես հասկանում…

Ժայռի ստվերը գետափին չոքել,
Վիզը երկարել ու ջուր է խմում- ժայռի շողքն ընկել է գետի վրա, կարծես գետից ջուր խմի

3. Առանձնացրո՛ւ քեզ ամենից շատ դուր եկած տեսարանը և բացատրի՛ր։

Ժայռի ստվերը գետափին չոքել,
Վիզը երկարել ու ջուր է խմում։

4. Ի՞նչ գույն ունի մայրամուտը այս բանաստեղծության մեջ:

Նարնջագույն

5. Դիտարկի՛ր մայրամուտը և ֆոտոխցիկի օգնությամբ ներկայացրու մայրամուտի տարբեր պահեր:

6. Քո տեսած մայրամուտը ինչո՞վ է նման այս բանաստեղծության մեջ ներկայացված մայրամուտին:

Գույներով

7. Ստուգաբանական բառարանից օգտվելով, գտի՛ր <<մայր>> բառի ստուգաբանությունը և փորձի՛ր բացատրի՛ր <<մայրամուտ>> բառի ծագումը։

Մայր- Որևէ բանի հայրենիք, որևէ բանի առաջացման՝ ծագման՝ զարգացման օրրան։

Մայրամուտ- արևը մայր է մտնում, որ հետո նորից ծագի, որ նոր կյանք սկսվի